"Лацио" президенти Клаудио Лотито клуб вингер Фелипе Андерсон билан янги шартнома борасида келишувга эришишига ишонч билдирди. Эслатиб ўтамиз, бразилиялик футболчининг "бургутлар" билан амалдаги шартномаси мавсум охирида якунига етади.
"Ишончим комилки, биз Андерсон билан янги шартнома борасида келишувга эришамиз. У ҳам қолишни истаяпти", - деди "Лацио" президенти.
Эслатиб ўтамиз, Андерсон "Лацио"да жами саккиз йилдан бери ўйнаб келмоқда. Бунгача бразилиялик вингер Лондоннинг “Вест Хэм” клубида ўйнаган.
Жорий мавсумда Андерсон Италия А Сериясида 1 та гол урди ва 4 та голли узатмани амалга оширди.
