"Рома" ва Бельгия терма жамоаси ҳужумчиси Ромелу Лукаку терма жамоадаги шериги Жоан Бакайоко ҳақида ўз фикрлари билан ўртоқлашди.
Лукаку 20 ёшли футболчини ажойиб келажак кутаётганини айтди.
“Мен уни жаҳон даражасидаги ўйинчига айланадиган ажойиб ўйинчи деб ўйлаганимни айтдим. Мен ҳақиқатан ҳам келажакда у мендан яхшироқ бўлишига ишонаман", - дея Лукакунинг сўзларини келтиради журналист Альфредо Педулла.
Эслатиб ўтамиз, Бакайоко ПСВда ўйнайди. Жорий мавсумда вингер Эйндховен жамоаси сафида 21 та ўйин ўтказиб, 3 та гол урди ва 11 та голли узатмани амалга оширди.
