Франция терма жамоаси ва “Милан” ҳимоячиси Тео Эрнандес ўз ватанида фаолиятини давом эттириш имкониятига эга. Todofichajes'нинг хабарига кўра, 26 ёшли чап қанот ҳимоячиси хизматларига "ПСЖ" қизиқиш билдирмоқда.

Парижликлар мураббийи Луис Энрикенинг шахсан ўзи шартнома имзолашдан манфаатдор. Эрнандеснинг эҳтимолий трансфер суммаси 60 миллион еврога баҳоланмоқда.

Тео Милан клубида 2019 йилнинг ёзидан буён ўйнаб келмоқда. Италия чемпионатининг жорий мавсумида ҳимоячи тўққизта ўйинда майдонга тушиб, битта гол урди ва олтита сариқ карточка олди. Томонлар ўртасидаги меҳнат шартномаси 2026 йилнинг ўрталарига қадар амал қилади.