"Барселона" ярим ҳимоячиси Педри Испания терма жамоаси учун ўйинда жароҳат олган жамоадоши Гавини қўллаб-қувватлади.

Испания терма жамоаси бош мураббийи Луис де ла Фуэнте Грузия терма жамоаси билан ўйиннинг биринчи бўлимида олган жароҳати туфайли 19 ёшли футболчини алмаштиришга мажбур бўлди. Норасмий маълумотларга кўра, Гави хочсимон боғламлари шикастлангани учун мавсумнинг қолган қисмини ўтказиб юбориши мумкин. Футболчининг Евро-2024'даги иштироки ҳам жиддий шубҳа остида.

“Биз сен биланмиз, ука. Сенга куч тилайман. Биламан, сен ҳар қачонгидан ҳам кучлироқ қайтасан”, - деди Педри ижтимоий тармоқлар орқали Гавига.