Бельгия терма жамоаси ҳужумчиси Ромелу Лукаку Евро-2024 саралаши доирасидаги Озарбайжон устидан қозонилган ғалаба (5:0) ҳақида фикр билдирди. У ўз ҳисобига 4 та гол ёздириб қўйди ва Евро-2024 саралаш босқичида энг кўп гол уриш бўйича (14) рекорд ўрнатди.

"Бу мен учун жуда муҳим кун, чунки бугун ўғлимнинг туғилган куни. Албатта, мен жамоа учун ҳам хурсандман, чунки барчамиз ажойиб ўйнадик.

Биз учун бирорта ҳам ўйинда мағлуб бўлмаганимиз муҳим. Ёш футболчиларга ишонч билдиришга ҳаракат қиламан, уларнинг руҳияти кучли. Биз худди шундай ғайрат билан ўйнашда давом этишимиз керак - ўйлайманки, биз сезиларли муваффақиятларга эриша оламиз", - деди Лукаку.