Лучано Спаллетти италиялик талабанинг ўлдирилиши ҳақида гапирди.

22 ёшли Жулиа Чеккеттин 18 ноябрь, шанба куни ўлик ҳолда топилди. У бир ҳафта олдин ғойиб бўлган ва полиция ўшандан бери уни қидираётган эди.

Қотилликда асосий гумонланувчи сифатида Жулиянинг собиқ йигити, 22 ёшли Филиппо Т. Йигит ва қиз бир ярим йил муносабатда бўлиб, 2023 йил ёзида ажрашишган. Ўшандан бери улар алоқада бўлишган.

11 ноябрь куни Жулия ва Филиппо савдо маркази ёнида учрашишди. Гувоҳларнинг сўзларига кўра, улар ўртасида можаро келиб чиққан. Кузатув камералари бир йигитнинг автотураргоҳда қизни қандай калтаклагани, кейин эса уни машинасига судраб олиб кирганини ёзиб олди. Гумонланувчи 16 ноябрь куни Германияда қўлга олинган.

"Биз энди мафтункор шаҳзодалар қиёфасида кийинадиган бу қўрқоқларга тоқат қила олмаймиз. Биз аёлларга ўз эркинлигини даъво қилган ҳар қандай одамдан узоқлашишга ёрдам беришимиз керак.

Аёлни ўлдирган эркаклар қўрқоқликларини тан олишади. Ўзаро муносабатлардаги муаммоларни зўравонлик билан ҳал қилиш мумкин деб ўйлайдиганлар келажаги йўқ мағлублардир", - деди Италия терма жамоаси бош мураббийи.