"Нюрнберг" клуби ва Япония терма жамоаси футболчси Хироши Киотаке фаолиятини Россияда давом эттириши мумкин. 22 ёшли футболчига Москванинг "Локомотив" ва "Динамо" клублари қизиқмоқда, дея хабар беради «Известия».

"Менинг мижозимга Россиянинг "Динамо" ва "Локомотив"дай кучли клубиларининг қизиқиш билдирганликлари жуда  ёқимли ҳолат. Сизнинг чемпионатингиз ривожланиб бормоқда ва жаҳон савиясидаги футболчилар тўпланмоқда. Хироши учун Россияга ўтиш ҳақиқий чақирув бўлар эди. Мен, албатта, тушунаман, футболда ҳамма нарса бўлиши мумкин, аммо "Нюрнберг" ўзининг етакчисидан мавсум ўртасида айрилишни хоҳламаса керак", - дейди футболчининг агенти Герасимос Запатинас.
Япониялик футболчининг трансфер суммаси 5 миллион еврони ташкил этади.
Германия чемпионатининг ушбу мавсумида Киотаке 16 та учрашув ўтказиб, 3 та гол урган ва 5 та голли узатма берган.