Globe Soccer Awards талқини бўйича йилнинг энг яхши дарвозабони номига даъвогарлар маълум бўлди. Мукофотнинг ижтимоий тармоқларида турли номинациялар бўйича ғолибликка номзодлар рўйхати эълон қилинди.
Бу тоифадаги ғолибликка номзодлар: Ясин Буну (“Ал-Ҳилол”), Диогу Кошта (“Порту”), Тибо Куртуа (“Реал”), Жанлуижи Доннарумма (“ПСЖ”), Эдерсон Мораес (“Манчестер Сити”), Мик Меньян (“Милан”), Андре Онана («Манчестер Юнайтед»), Аарон Рамсдейл («Арсенал»), Янн Зоммер («Интер») ва Марк-Андре тер Штеген («Барселона»).
Эслатиб ўтамиз, ушбу маросим Европа клублар ва футбол агентлари ассоциацияси томонидан ташкиллаштирилади. Одатда, ушбу тақдирлаш маросими ҳар йил охирида, декабрь ойининг охирги кунларида Дубайда бўлиб ўтади. Ўтган йили Globe Soccer Awards энг яхши дарвозабонга мукофот бермаган эди.
