"Арсенал" ҳужумчиси Кай Хаверц "Челси"дан Микель Артета жамоасига ўтишдаги қийинчиликлар ҳақида гапирди. Ёзда "канонирлар" Германия терма жамоаси футболчиси учун 75 миллион евро тўлашди.
"Мен "Арсенал"да жуда бахтлиман. Бу клубда ўзимни оиламдагидек ҳис қиляпман. "Челси"дан "Арсенал"га ўтиш қийин. Клублар катта рақобатчилардир. Мухлислар ишончини қозониш учун ҳафталар кетиши мумкин. Голлар ва яхши ўйин тезда керакли муносабатни олишингизга ёрдам беради, мен ҳар доим 100 фоиз кучимни бераман", - деди Хаверц.
Кай жорий мавсумда Премьер-лиганинг 12 та учрашувида 1 та гол ва голли узатмани амалга оширди.
