Португалия Евро-2024 саралашида барча ўйинларда ғалаба қозонган ягона жамоа бўлди.
Франция терма жамоаси сўнгги саралаш баҳсида Греция термаси билан дуранг ўйнади (2:2), бунгача 7 та ғалаба қозонганди.
Шу тариқа, 10 учрашувнинг 10 тасида ғалаба қозонган Португалия гуруҳ босқичида барча мумкин бўлган очколарни тўплаган ягона саралаш жамоаси бўлиб қолди. Бундан ташқари, португалияликлар саралашда 36 та гол урди ва атиги 2 та гол ўтказиб юборди - бу ҳам циклнинг энг яхши натижалари.
Криштиану Роналду ушбу саралаш босқичида 10 та гол урди ва тўпурарлар рўйхатида 14 та гол урган Ромелу Лукакудан ортда қолиб, 2-ўринни эгаллади.
