Portugaliya Yevro-2024 saralashida barcha o‘yinlarda g‘alaba qozongan yagona jamoa bo‘ldi.
Fransiya terma jamoasi so‘nggi saralash bahsida Gresiya termasi bilan durang o‘ynadi (2:2), bungacha 7 ta g‘alaba qozongandi.
Shu tariqa, 10 uchrashuvning 10 tasida g‘alaba qozongan Portugaliya guruh bosqichida barcha mumkin bo‘lgan ochkolarni to‘plagan yagona saralash jamoasi bo‘lib qoldi. Bundan tashqari, portugaliyaliklar saralashda 36 ta gol urdi va atigi 2 ta gol o‘tkazib yubordi - bu ham siklning eng yaxshi natijalari.
Krishtianu Ronaldu ushbu saralash bosqichida 10 ta gol urdi va to‘purarlar ro‘yxatida 14 ta gol urgan Romelu Lukakudan ortda qolib, 2-o‘rinni egalladi.
