Европа чемпионати саралаш босқичидан ўрин олган барча гуруҳларда баҳслар якунига етди. Натижада қитъа чемпионатига чиққан 21 жамоанинг номи аниқ бўлди. Охирги 3 та йўлланма эгаси эса 2024 йилнинг март ойида ўтказиладиган плей-офф босқичи орқали аниқланади.
Мусобақанинг финал босқичига шу йилнинг 2 декабрь куни қуръа ташланади. Қуръадан олдин саватчалар қуйидаги кўринишда бўлади:
1-сават: Германия, Португалия, Франция, Бельгия, Испания, Англия.
2-сават: Венгрия, Туркия, Дания, Албания, Руминия, Австрия.
3-сават: Нидерландия, Шотландия, Хорватия, Словения, Словакия, Чехия.
4-сават: Италия, Сербия, Швейцария, "А" йўли ғолиби, "B" йўли ғолиби, "C" йўли ғолиби.
