АҚШ термаси КОНКАКАФ Миллатлар лигасида Тринидад ва Тобаго терма жамоаси билан ўйнади, аммо ўйин ақшликлар учун омадсиз келди – улар ўн киши билан қолиб, учрашувда 1:2 ҳисобида мағлуб бўлишди. Жамоани "Барселона" ва "Милан"нинг собиқ футболчиси Сержиньо Дест қизил карточка олиб, жамоани қийин аҳволга солиб қўйди.
У ўттиз сония ичида иккита сариқ карточка олишга "муваффақ" бўлди, бунинг натижасида АҚШ терма жамоаси биринчи бўлим охиридан бошлаб озчиликда қолди. Бу Тринидадга нафақат ҳисобни тенглаштириш, балки олдинга чиқиб олиш имконини берди.
Аввалига Дест ҳакамнинг ҳуштагидан сўнг атайлаб тўпни тепди ва сариқ карточка олганидан кейин ҳам тинчланмади ва эътирозини давом эттирди - бу унинг четлатилишига олиб келди. У майдонни тарк этар экан, киноя билан ҳакамга бўса юборди.
