"Манчестер Юнайтед" марказий ҳимоячиси Рафаэль Варан клубини ўзгартиришни режалаштирмоқда.
"Қизил иблислар” раҳбарияти франциялик футболчи билан хайрлашишга тайёр, аммо жорий мавсум якунланганидан кейингина. Жамоа мураббийлар штаби жароҳатлар туфайли таркиб билан юзага келиши мумкин бўлган муаммолардан қочиш учун Варанни ёзгача олиб қолмоқчи. Мавсум якунлангач, манкунианликлар франциялик футболчи борасидаги таклифларни тинглашга тайёр бўлишади.
Олдинроқ матбуотда Варан хизматларига Италия ва Саудия Арабистони клублари қизиқиш билдираётгани ҳақида хабарлар тарқалганди. Ҳимоячининг "Манчестер Юнайтед" билан шартномаси 2025 йилнинг ўрталарига қадар амал қилади.
