"Жирона" ярим ҳимоячиси Алейш Гарсия Мадриднинг "Атлетико" клубининг нишонига айланди.
Todofichajes нашрининг хабарига кўра, "матрасчилар" клуби бош мураббийи Диего Симеоненинг шахсан ўзи футболчи билан шартнома имзолашни талаб қилмоқда. Аргентиналик мутахассиснинг фикрича, Алейш жамоанинг ўрта чизиғини кучайтира олади.
Аввалроқ матбуотда Алейшнинг трансферига "Барселона" ҳам қизиқаётгани ҳақида хабарлар тарқалган эди.
Испания чемпионатининг жорий мавсумида 26 ёшли ярим ҳимоячи 13 та ўйин ўтказиб, 3 та гол ва 4 та голли узатмани амалга оширди. Футболчининг "Жирона" билан шартномаси 2026 йилнинг ёзига қадар тузилган.
