"Брентфорд" ҳужумчиси Нил Мопе "Эвертон"да ўйнаш унга жуда қийин бўлганини тан олди. Эслатиб ўтамиз, 27 ёшли франциялик футболчи ҳамон мерсисайдликлар клубига тегишли. Ҳужумчи айни дамда "Брентфорд"да мавсум охиригача ижара асосида ўйнамоқда.
"Мен "Эвертон"да футболдан завқлана олмадим. Бу давр мен учун жуда оғир бўлди. Мухлислар ва клуб атрофидаги одамлар ҳаётимни қийинлаштирди", - деди Мопе EFC Daily билан суҳбатда.
Жорий мавсумда Мопе Англия Премьер-лигасида 9 та ўйинда майдонга тушиб, 1 та гол ва 2 та голли узатмани амалга оширди. Илгари Нил "Брайтон"да ҳам ўйнаган.













