Мадриднинг «Реал» клуби ярим ҳимоячиси Дани Себальос Испания чемпионати доирасида «Кадис» билан бўладиган ўйинда иштирок этиши мумкин.
Marca хабарига кўра, 22 ноябрь, чоршанба куни ярим ҳимоячи Мадриднинг «Реал» клуби машғулотларида иштирок этган.
Қайд этилишича, 27 ёшли испаниялик футболчи аллақачон сафга қайтишга яқин турибди ва у «Кадис» билан учрашув учун жамоа таркибига киритилиши керак.
Жорий мавсумда Себальос барча мусобақаларда тўртта ўйинда майдонга тушди ва гол ура олмади. Футболчи сўнгги бор 7 октябрь куни «Осасуна» билан Ла Лиганинг 9-турида ўйнаганди.
