"Барселона"нинг собиқ бош мураббийи Хосеп Гвардиола "Челси"дан аниқ таклиф олди, лондонликлар испан мутахассиси билан янги мавсумдан бошлаб иш бошламоқчи, дея хабар беради Marca.
Нашрнинг ёзишича, "кўк"ларинг хўжайини Роман Абрамович Гвардиола билан уч йиллик шартнома тузмоқчи, унга кўра мураббий 65 миллион евро эгаси бўлади. Бундай бўлган тақдирда "Пеп" жаҳоннинг энг кўп маош оладиган мураббийига айланади.
Эслатиб ўтамиз, ҳозирда "Челси" бош мураббийи вазифасини Роберто ди Маттеонинг истъефосидан сўнг Рафаель Бенитес вақтинча бажариб турибди.
Бундан ташқари Гвардиола хизматига Роберто Манчини ишидан қониқмаётган "Манчестер Сити" клуби ҳам қизиқмоқда.
