Ҳуқуқлари "Вулверхэмптон"га тегишли бўлган ҳужумкор ярим ҳимоячи Педру Нетуга трансфер бозорида талаб катта.
TeamTalk хабарига кўра, Лондоннинг "Арсенал", "Манчестер Юнайтед" ва Саудия Арабистони чемпионати клублари 23 ёшли португалиялик футболчини ўз сафига қўшиб олмоқчи. “Бўрилар” етакчи футболчисини унга камида 70 миллион евро таклиф қилсагина сотишга тайёр.
Жорий мавсумда Педру “Вулверхэмптон” сафида ўнта ўйинда қатнашиб, битта гол урди ва еттита голли узатмани амалга оширди. Унинг шартномаси 2027 йилнинг ёзига қадар мўлжалланган.