Испаниянинг «Реал Сосьедад» клубида ўйнаётган 26 ёшли нигериялик марказий ҳужумчи Умар Содиқ ҳамон Англиянинг «Манчестер Юнайтед» клуби қизиқишлари доирасида бўлиб турибди. Бу ҳақда Todofichajes журналистлари хабар бермоқда.
«Манкунианликлар» учун соф ҳужумчилар етишмаяпти ва Содиқ бу борада уларга ёрдам беришига умид қилишмоқда.
«Қизил иблислар» қишки трансфер ойнасида Умар билан шартнома имзолашни режалаштирмоқда. Унинг бозор нархи 16 миллион еврога баҳоланмоқда ва унинг амалдаги клуби билан шартномаси 2028 йилда якунига етади.
Ҳужумчи Испания чемпионатининг жорий мавсумида ҳамон гол ура олмади. У 11 учрашувда битта голли узатмани амалга оширган.
