Индонезияда 17 ёшгача бўлган ўсмирлар ўртасидаги жаҳон чемпионати давом этмоқда. Жума куни мусобақанинг икки ярим финалчиси аниқланди - улар Германия ва Аргентина терма жамоалари эди.
Германия ёшлар терма жамоаси Испанияни минимал 1:0 ҳисобида мағлуб этди. Аргентиналик йигитлар эса принципиал дуэлда Бразилияни йирик ҳисобда мағлуб этишди – 3:0. «Ривер Плейт» ўйинчиси Клаудио Эчеверри хет-трик қайд этди.
Бир неча кун олдин Аргентина терма жамоаси ЖЧ-2026 саралашида Бразилияни 1:0 ҳисобида мағлуб этганидан хабарингиз бор.
28 ноябрь куни Германия ва Аргентина ёшлар жамоалари жаҳон чемпионатининг ярим финал учрашувини ўтказади.
