Мадриднинг “Реал” клуби ҳужумчи Хоселуни сотиб олади.
33 ёшли футболчи жорий мавсум охиригача "Эспаньол"дан ижарага олинган. "Relevo" хабарига кўра, "Реал" ниҳоят ижара шартномасидаги тегишли вариантда кўрсатилган форвардни 1,5 миллион еврога сотиб олишга қарор қилган. Испаниялик футболчи клубнинг кейинги мавсумдаги режаларининг бир қисмидир.
Хоселу бу мавсумда Карло Анчелотти шогирдлари сафида барча мусобақаларда 16 та ўйинда майдонга тушиб, 5 та гол урди ва 2 та голли узатмани амалга оширди. Шу билан бирга, ҳужумчи атиги етти марта асосий таркибда майдонга тушгани эътиборга молик.
