Madridning “Real” klubi hujumchi Xoseluni sotib oladi.
33 yoshli futbolchi joriy mavsum oxirigacha "Espanyol"dan ijaraga olingan. "Relevo" xabariga ko‘ra, "Real" nihoyat ijara shartnomasidagi tegishli variantda ko‘rsatilgan forvardni 1,5 million yevroga sotib olishga qaror qilgan. Ispaniyalik futbolchi klubning keyingi mavsumdagi rejalarining bir qismidir.
Xoselu bu mavsumda Karlo Anchelotti shogirdlari safida barcha musobaqalarda 16 ta o‘yinda maydonga tushib, 5 ta gol urdi va 2 ta golli uzatmani amalga oshirdi. Shu bilan birga, hujumchi atigi yetti marta asosiy tarkibda maydonga tushgani e’tiborga molik.