Айни дамга келиб АПЛ тўпурарлиги учун кимлар иштирок этиши мумкинлиги ҳақида сўз юритамиз.
Эрлинг Холанд
Ўтган мавсумда бўлгани каби бу мавсумда ҳам даъвогарлар қаторида Эрлинг Холанд етакчи ўринларда. Ўтган йили "Сити" билан Эрлинг Англия чемпиони бўлди, кубокни қўлга киритди ва Чемпионлар лигасида ғолиб чиқди. Шунингдек, чемпионат сўнггида "Олтин бутса"ни қўлга киритди. Ҳужумчи аллақачон совринлар борасида анча-мунча натижага эришди, бу унинг фаолиятининг қолган қисми учун етарлидек кўриниши мумкин аммо... Ўтган мавсум тўпурари "Олтин тўп" ғолиблиги учун овоз беришда иккинчи ўринни эгаллагани ажабланарли эмас.
Холанд эндиликда лиганинг энг яхши ҳужумчиси мақомини мустаҳкамламоқда. У Гвардиола жамоасининг асосий футболчиси, мослашиш босқичи тугади ва ҳужумчи ҳамон юқори ўйин намойиш этмоқда (12 ўйинда 13 та гол). Кўриниб турибдики, Эрлинг эндиликда Премьер-лиганинг янги юлдузи.
Дарвин Нунес
Уругвайлик футболчи Премьер-лигага Холанд билан бир вақтда келди. Фарқи шундаки Эрлинг ундан кўра жамоага ва чемпионатга тезда киришиб кетди. Қолаверса, «Сити» Норвегиялик футболчини Дортмунднинг «Боруссия»си билан муддати тугайдиган шартномаси эвазига кўп нарсани тежаб қолди. «Ливерпуль» эса Нуньес учун истиқболли ёш футболчи сифатида катта маблағ тўлаган. Шунинг учун унинг зиммасига катта масъулият тушди. Худди Феликснинг тақдирини "Атлетико"да такрорламаслик каби.
Мослашиш қийин кечди, ҳужумчи ҳатто "қизиллар" сафидаги иккинчи ўйинида ҳам дисквалификация қилинди. Вақт ўтиши билан вазият ўз жойига тушди. Аммо ўтган мавсум якунидаги 9 гол ҳамон жиддий танқидларга сабаб бўлмоқда.
Лекин бу бутун жамоа учун қийин мавсум бўлди. Янги келганнинг заиф ўйини қариган марказий ҳужум билан бирлаштирилди. Энди уругвайлик форвард янгиланган “Ливерпуль”нинг етакчисига айланади. Премьер-лиганинг янги мавсумидаги 11 ўйинда 4 та гол ҳали ҳам жиддий кўринмаяпти. Лекин, биринчидан, Клоппнинг марказий ҳужумчи роли ҳақида ўз фикри бор ва уларнинг функционаллиги ўзига хосдир. Иккинчидан, Нуньес бу голларга яна 4 та голли узатма қўшмоқда. Бундай кўрсаткичлар аллақачон ишонч бағишлашни бошлаган.
Сон Хён Мин
Албатта, бу рўйхатга “Тоттенхем”дан кореяликни қўшсак, “Ливерпуль”даги мисрликни ҳам киритиш шарт. Аммо Муҳаммад бу рўйхатда бўлмайди. Сабаби, у қанотда ўйнагани учун ва биз марказий ҳужумчилар ҳақида гапиряпмиз. Сон бу ролда узоқ вақтдан бери биринчи марта пайдо бўлди. Айтиш мумкинки, бу лига учун "янги тўққизлик" ҳужумчи.
Шунчаки, у олдин бу рўйхатга киритимас эди. Соннинг ҳаракатлари Харри Кейннинг ҳаракатлари билан уйғун эди. Англиялик футболчи Лондон клубини анча бойитиб кетди. Кореялик эса ниҳоят асосий ролга кўтарилди.
2021/22 йилги мавсумда Сон Хён Мин чемпионатнинг энг яхши тўпурарига айланганди. Энди у муқаррар равишда норвегиялик "Викингинг"га қарши жиддий рақобатга киришади. У бу борада анчагина ишонч қозонди. Анжелос Постекоглоу ижрочига ишонади ва у аллақачон 12 ўйинда 8 та гол урган. "Шпорлар" эса охирги ўйинларгача 1-ўринда қолишди. Энди пешқадамларнинг қатор жароҳатлари туфайли қийинроқ бўлади. Лондонликлар аллақачон юқори ўринларни йўқотишни бошлаган ҳамда "Сити", "Ливерпуль" ва "Арсенал"ни олдинга ўтказиб юборишган.
Аммо Сон бу мавсум жамоасининг асосий футболчиси сифатида майдонга тушади ҳамда клубининг ғалабаларида ўзи бош-қош бўлади. Худди бир вақтлар бу ишни Кейн қилганидек.
Катта эҳтимол билан - Расмус Хойлунд ва Александр Исак
Биринчиси янги жамоасига ва чемпионатга ҳали киришиб кетганича йўқ, иккинчиси ўзини "Ньюкасл"да анча кўрсатяпти, аммо у элитага кириш учун етарли кучга эга эмас.
Ҳойлунд яқин вақтгача А Сериянинг "олмос"и эди. Бунинг устига, "Манчестер Юнайтед"нинг кўп йиллар давомида форвардга эҳтиёжи бор. Даниялик рози бўлди, лекин бу қарор ҳалигача ўз фойдасини бермади. "Трансформация"ни якунлаш учун жамоадошлар ёрдами ва жамоадаги қулай шароитлар керак. Энди "Манчестер Юнайтед" на бирини, на бошқасини таъминлай олмайди. Қанотлар билан боғлиқ камчиликлар ўйинда жиддий муаммоларни келтириб чиқарди, шунинг учун бу йил мослашишга тўғри келади. Расмус, албатта, янги жамоаси ўйийнига тезда киришиб кетишга ҳаракат қилади. У буни аллақачон Чемпионлар лигасида кўрсатмоқда.
"Ньюкасл"нинг швед ҳужумчиси мослашув даврини аллақачон босиб ўтди. Энди у Хоу тизимининг муҳим элементи. Қолаверса, янги мавсумдаги 8 учрашувда Александр аллақачон 6 та гол урган. Фақат жароҳатлар унга бироз ҳалақит бермоқда. Тикланиш вақти номаълум, ўтказиб юборилган ўйинлар юқори даражадаги мавсум учун етарли бўлмаслиги мумкин. Футболчига айнан шу нарса етишмайди. Янги даражага чиқиш вақти келди. У шунингдек, "Челси" дарвозасини ишғол қилишга эришди.
Жезус ҳамда Жексон ҳам даъвогарлар қаторида
Бошқа форвардлар ҳам бор, улар жуда кўп фойда келтиради, аммо бу тўпурарлик пойгаси учун етарли эмас. Масалан, Габриел Жезус «Арсенал» етакчиларидан бири. Габриель ҳар томонлама етук ўйинчи бўлиб, у тез-тез олдинга ўтиш учун ярим ҳимояга тушади. Шу боис, ўтган мавсумда ҳам у 26 учрашувда атиги 11 та гол урган. Ҳозирда 7 ўйинда атиги битта гол уришга муваффақ бўлди.
Шунингдек, сенегаллик “Челси” ҳужумчиси Николас Жексон ҳам бор. 11 та ўйин, 6 та гол, "Тоттенхем" ва "Сити"га қарши голллар. Бундан ташқари, ижрочи эндигина 22 ёшда. Аммо кенгроқ қаралса, бу Премьер лигада синовдан ўтмаган футболчи. Дербидаги хет-трик бошқа ҳеч кимга ўхшамайдиган бир марталик лаҳза бўлди. Қолаверса, учта голнинг ҳар биридаги ишларнинг аксарияти жамоадошлар томонидан амалга оширилди. Николас буни фақат якунлаши керак эди. Бу сенегалликнинг "аристократлар" учун биринчи мавсуми.
У Премьер-лиганинг энг яхши ҳужумчиси бўлиб чиқиши мумкин, аммо бу мақомга даъво қилиш учун анчагина вақт керак бўлади.
Юқорида янги мавсум АПЛда тўпурарлик учун кимлар иштирок этиши мумкинлиги ҳақида сўз юритдик. Олдинда нима бўлишини вақт кўрсатади. Кўрамиз, кузатамиз...
