«Манчестер Юнайтед» бош мураббийи Эрик тен Хаг мухлисларни унинг майдонга тушмаслиги «Эвертон»га қарши баҳсда жамоанинг ўйинига таъсир қилмаслигига ишонтирди.
Эслатиб ўтамиз, голландиялик мутахассис учта сариқ карточка учун дисквалификация олди, шу сабабли у жамоасининг навбатдаги ўйинини трибунадан кузатишга мажбур бўлади.
«Мен мураббийлар штабига ишонаман. Трибунадан ўйинни яхшироқ кўраман. Бизда ажойиб ходимлар бор.
Улар нима қилишни биладиган жуда қобилиятли ва тажрибали одамлардир. Бу бизнинг ўйинимизга таъсир қилмайди», - дея ишонтирди Тен Хаг матбуот анжуманида.
