"Барселона" ярим ҳимоячиси Педри жамоадоши ва дўсти Гавининг жароҳати ҳақида гапирди.

Педрининг ўзи ҳам жароҳат туфайли мавсум бошида тахминан икки ойни ўтказиб юборди.

"Мен Гавига ҳар томонлама далда бердим, чунки жароҳат олиш нима эканлигини ўзим ҳам биламан, гарчи менинг жароҳатларим унчалик жиддий бўлмаса ҳам. Мен ўйнаш имконияти бўлмаган футболчи учун қандай оғир бўлишини биламан.

Гависиз "Барселона" кўп фазилатларини йўқотади - биз унинг қатъиятини, клубга бўлган муҳаббатини соғинамиз", - деди Педри "Diario Sport" нашрига берган интервьюсида.