Лондоннинг "Челси" клуби раҳбариятининг бош мураббий Маурисио Почеттино борасидаги позицияси ўзгаришсиз қолмоқда. “Кўклар” раҳбарлари мутахассисга ишонишда давом этмоқда ва унинг келажаги хавф остида эмас, деб ёзади инсайдер Фабрицио Романо ижтимоий тармоқда.
Манба берган хабарга кўра, клуб бу ёш жамоа эканлигини ва бу бироз вақт талаб қилишини тушунади, шунга қарамай, улар ҳозирги натижалардан унчалик мамнун эмас ва маълум ўзгаришларни кўришни исташмоқда.
Ўтказилган 13 та ўйиндан сўнг, жорий мавсумда еврокубокларда иштирок этмаётган "Челси" 16 очко билан турнир жадвалида атиги ўнинчи ўринни эгаллаб турибди.
