Londonning "Chelsi" klubi rahbariyatining bosh murabbiy Maurisio Pochettino borasidagi pozisiyasi o‘zgarishsiz qolmoqda. “Ko‘klar” rahbarlari mutaxassisga ishonishda davom etmoqda va uning kelajagi xavf ostida emas, deb yozadi insayder Fabrisio Romano ijtimoiy tarmoqda.
Manba bergan xabarga ko‘ra, klub bu yosh jamoa ekanligini va bu biroz vaqt talab qilishini tushunadi, shunga qaramay, ular hozirgi natijalardan unchalik mamnun emas va ma’lum o‘zgarishlarni ko‘rishni istashmoqda.
O‘tkazilgan 13 ta o‘yindan so‘ng, joriy mavsumda yevrokuboklarda ishtirok etmayotgan "Chelsi" 16 ochko bilan turnir jadvalida atigi o‘ninchi o‘rinni egallab turibdi.
