"Ювентус"нинг собиқ бош мураббийи Антонио Конте Турин клубига қайтиши мумкин.
Итальян ОАВ хабарига кўра, 54 ёшли мутахассис 2023/24 йилги мавсум якунида жамоага қайтади. У аллақачон “Ювентус” раҳбарияти билан клубга қайтиш борасида келишувга эришган. Конте клуб спорт директори Криштиану Жунтоли томонидан тақдим этилган лойиҳага қизиқди.
Конте 2011 йилдан 2014 йилгача "Ювентус"ни бошқарган. У билан туринликлар уч марта Италия чемпиони бўлишди ва икки марта мамлакат Суперкубогини қўлга киритишди. Мутахассиснинг сўнгги иш жойи шу йилнинг март ойида тарк этган "Тоттенхэм" бўлган.
Ҳозирда “Ювентус”га Массимилиано Аллегри бош мураббийлик қилмоқда. 13 турдан кейин жамоа 30 очко билан А Серия турнир жадвалида иккинчи ўринда бормоқда.
