"ПСЖ" ҳужумчиси Уго Экитике жорий мавсумда фақат бир марта майдонга тушди. Албатта, футболчи қишки трансфер ойнасида клубини ўзгартиради ва унда бир нечта вариантлари бор.
Журналист Руди Галеттининг ижтимоий тармоқларда хабар беришича, Лондоннинг "Вест Хэм" ва "Кристал Пэлас" клублари Экитикени кузатиб боришмоқда, ҳар икки жамоа ҳам янги ҳужумчи изламоқда.
"ПСЖ" қулай таклиф тушса, Экитике билан хайрлашишга тайёр. Аввалроқ, Лига 1 гранди 21 ёшли форвард учун тахминан 35 миллион евро ишлаб олишни мақсад қилгани ҳақида хабар берилганди.
Ҳозирда "ПСЖ" Франция чемпионати турнир жадвалида биринчи ўринни эгаллаб турибди.
