«Манчестер Юнайтед»нинг собиқ футболчиси Пол Скоулз «манкунианликлар» ярим ҳимоячиси Бруно Фернандеш ҳақида фикр билдирди.
Унинг фикрича, «Галатасарой»га қарши ўйинда (3:3) қўлдан бой берилган ғалаба учун Фернандеш жавобгарликни ўз зиммасига олиши керак.
Эслатиб ўтамиз, сўнгги учрашувда «Манчестер Юнайтед» 3:1 ҳисобида олдинда бораётган бўлсада, иккинчи бўлимда иккита гол ўтказиб юбориб, ғалабани қўлдан чиқарганди.
«Бугун у шахсан иккита хатога йўл қўйди, голларга олиб келган иккита аҳмоқона қоидабузарлик қилди. Бутун жамоа, жумладан сардор сифатида Фернандеш ҳам масъулиятни ўз зиммасига олиши керак», - деди Скоулз.
