Англия терма жамоаси ва "Ливерпуль" клубининг собиқ ҳимоячиси Жейми Каррагернинг фикрича, "Манчестер Юнайтед" раҳбарияти жамоа бош мураббийи Эрик тен Хагнинг трансферларга таъсирини чеклаши керак.
"Бу масалада бош мураббий жуда катта ваколатларга эга. Мураббий кўпинча ўзининг шахсий имтиёзларидан келиб чиққан ҳолда кимга хоҳласа, у билан шартнома имзолайди. Тен Хаг сотиб олган ўйинчиларнинг 60-70 фоизи унинг собиқ ўйинчилари эди. Аммо бу стратегия ишламайди. У ҳамма билан ҳам шартнома имзоламаслиги керак", - деди Каррагер Daily Mail нашрига.
АПЛнинг жорий мавсумида "Манчестер Юнайтед" олтинчи, Чемпионлар лигасида эса гуруҳда сўнгги ўринни эгаллаб турибди.
