"Манчестер Юнайтед" бош мураббийи Эрик тен Хаг Англия чемпионатининг 14-турида "Ньюкасл"га қарши ўйин олдидан журналистлар билан суҳбатлашди.
"Ньюкасл" - яхши руҳиятга эга ажойиб жамоа. Ғалаба қозониш учун бор кучимиз билан ўйнашимиз керак. Биз ўзимизни кучли тўртликка яқин ҳис қиляпмиз. "Манчестер Юнайтед" йирик ўйинларда ғалаба қозониши керак, аммо бу осон бўлмайди", - деди "қизил иблислар" устози клуб матбуот хизматига.
Ўйин 3 декабрь куни бўлиб ўтади ва Тошкент вақти билан соат 01:00да бошланади. "Манчестер Юнайтед" тўртинчи ўриндан 4 очко ортда қолган ҳолда, олтинчи ўринни эгаллаб турибди.
