"Manchester Yunayted" bosh murabbiyi Erik ten Xag Angliya chempionatining 14-turida "Nyukasl"ga qarshi o‘yin oldidan jurnalistlar bilan suhbatlashdi.
"Nyukasl" - yaxshi ruhiyatga ega ajoyib jamoa. G‘alaba qozonish uchun bor kuchimiz bilan o‘ynashimiz kerak. Biz o‘zimizni kuchli to‘rtlikka yaqin his qilyapmiz. "Manchester Yunayted" yirik o‘yinlarda g‘alaba qozonishi kerak, ammo bu oson bo‘lmaydi", - dedi "qizil iblislar" ustozi klub matbuot xizmatiga.
O‘yin 3 dekabr kuni bo‘lib o‘tadi va Toshkent vaqti bilan soat 01:00da boshlanadi. "Manchester Yunayted" to‘rtinchi o‘rindan 4 ochko ortda qolgan holda, oltinchi o‘rinni egallab turibdi.
