Каталониянинг «Барселона» клуби бош мураббийи Хави Эрнандес чап қанот ҳимоячиси Алехандро Бальденинг ҳолати ҳақида гапирди.
Эслатиб ўтамиз, аввалроқ ҳимоячи навбатдаги ўйинни «Атлетико Мадрид» билан захира ўриндиғида бошлаши ва унинг майдондаги ўрнини номинал ўнг қанот ҳимоячиси бўлган Жоау Канселу эгаллаши ҳақида хабарлар тарқалган эди.
«Бальде билан ҳаммаси яхши, у яхшиланишда давом этади. У Канселу ёки Кунде қаерда ўйнашидан қатъи назар, жамоа учун жуда муҳим фигура ҳисобланади», - деди Хави матбуот анжуманида.
