Марк-Андре тер Штеген "Барселона" сафида яна бир ўйинни ўтказиб юбориши кутилмоқда.
Эртага Каталония жамоаси Ла Лиганинг 15-тури доирасида "Атлетико Мадрид" билан учрашади. Учрашув Тошкент вақти билан 01:00да бошланади.
"Барса" дарвозабони Тер Штеген ҳамон жамоадошлари билан машғулот ўтказмаяпти - уни белидаги оғриқ ҳамон безовта қилмоқда. Немис футболчисининг мадридликлар билан ўйинда иштирок этиши деярли имконсиз, деб хабар бермоқда AS.
Балки эртага эрталаб бўлиб ўтадиган синовлардан сўнг Тер Штегенни ушбу ўйин учун таркибга қўшиш ҳақида қарор қабул қилиниши мумкин.
Бунгача дарвозабон “Райо Вальекано” (1:1) ва “Порту” (2:1) билан ўйинларни ўтказиб юборганди.
