"Реал" бош мураббийи Карло Анчелотти Испания чемпионати доирасидаги "Гранада" устидан қозонилган ғалаба ҳақида фикр билдирди. "Лос-Бланкос" 2:0 ҳисобида ғалаба қозонди.
“Вальверде яхши ўйин ўтказди, Родриго эса ажойиб формага қайтди. У ўйинга 100 фоиз борини берди. Родриго охирги пайтларда кўп гол урмоқда. Шу билан бирга, менинг фикримча, ким гол уриши муҳим эмас. Энг муҳими, яхши мувофиқлаштирилган жамоавий иш. Ҳозир "Реал"да ҳаммаси яхши кетмоқда", - дея италиялик мутахассиснинг сўзларини келтиради "Marca" нашри.
Кечаги ғалаба эвазига мадридликларнинг ҳисобида 38 очко бор. "Қироллик клуби" "Гранада"ни мағлуб этиб, биринчи ўринга қайтди.
