"Real" bosh murabbiyi Karlo Anchelotti Ispaniya chempionati doirasidagi "Granada" ustidan qozonilgan g‘alaba haqida fikr bildirdi. "Los-Blankos" 2:0 hisobida g‘alaba qozondi.
“Valverde yaxshi o‘yin o‘tkazdi, Rodrigo esa ajoyib formaga qaytdi. U o‘yinga 100 foiz borini berdi. Rodrigo oxirgi paytlarda ko‘p gol urmoqda. Shu bilan birga, mening fikrimcha, kim gol urishi muhim emas. Eng muhimi, yaxshi muvofiqlashtirilgan jamoaviy ish. Hozir "Real"da hammasi yaxshi ketmoqda", - deya italiyalik mutaxassisning so‘zlarini keltiradi "Marca" nashri.
Kechagi g‘alaba evaziga madridliklarning hisobida 38 ochko bor. "Qirollik klubi" "Granada"ni mag‘lub etib, birinchi o‘ringa qaytdi.