Германия футбол ассоциацияси спорт директори Руди Фёллер журналистлар билан Европа чемпионати гуруҳ босқичига қуръа ташлаш маросими ҳақида гаплашди.
Мусобақага мезбонлик қиладиган Германия терма жамоаси Шотландия, Венгрия ва Швейцариядан келган рақиблар билан учрашади. 14 июнь куни Германия ва Шотландия ўртасидаги биринчи тур учрашуви бўлиб ўтади.
«Биз ўлим гуруҳига тушиб қолишдан қочдик, аммо бизга қўшилган учта жамоа ҳам саралашда ажойиб ўйин кўрсатди.
Биз ҳозир исталган рақиб билан ўйнашга бепарво ёки ҳурматсиз ёндаша олмаймиз - ўша кунлар ўтмишда. Бу катта синов ва айниқса, Шотландияга қарши биринчи ўйинни интиқлик билан кутяпман», - деди Фёллер.
