Саудиянинг “Ал-Ҳилол” клуби ярим ҳимоячиси Рубен Невеш жамоани тарк этиш ниятида эмаслигини айтди. Аввалроқ "Ньюкасл" уни қишда қўлга киритиши мумкинлиги ҳақида хабар берилганди. "Арсенал"нинг қизиқиши ҳақида ҳам маълумот бор эди.

"Менимча, бундай миш-мишлар клублар эгаси ва мен Англияда ўйнаганим сабабли пайдо бўлган («Ньюкасл» ва «Ал-Ҳилол» Саудия Арабистони Суверен Жамғармасига тегишли).

Кўчиб ўтишдан олдин "Ньюкасл"дан қизиқиш бор эди, лекин мен бу ерда, оилам каби жуда бахтлиман. Мен бу ерда яхши вақт ўтказяпман. Ҳаммаси яхши кетмоқда, мен шу ерда қолмоқчиман”, - деди Невеш.

26 ёшли португалиялик жорий мавсумда “Ал-Ҳилол” сафида 19 та ўйинда майдонга тушди. Унинг ҳисобида 2 та гол ва 3 та голли узатма бор.