Каталониянинг "Барселона" клуби ярим ҳимоячиси Френки де Йонг жорий мавсум "Атлетико"дан ижара асосида "блауграна"да ўйнаётган ҳужумчи Жоау Феликснинг савиясини баҳолади.
“Феликс ажойиб ўйинчи, у табиий истеъдодга эга. Унинг даражасини ҳатто тўпга тегишидан ҳам кўриш мумкин. Агар Жоау диққатини жамлаб, ҳозиргидек ишлашда давом этса, у ажойиб футболчига айланиши мумкин", - дея де Йонг сўзларини келтирмоқда Ziggo Sport.
Феликс кеча ўзининг собиқ жамоаси "Атлетико Мадрид" дарвозасига "Барселона"га ғалаба келтирган голни киритди. Аввалроқ Жоау доимий равишда Хави Эрнандес жамоасида қолишни исташини айтганди.
