Каталониянинг “Барселона” клубининг 16 ёшли вингери Ламин Ямал келажакда йилнинг энг яхши ёш футболчисига бериладиган “Golden Boy” мукофотини қўлга киритишга ваъда берди.
“Албатта, мен “Golden Boy” мукофотини қўлга киритмоқчиман. Эртами-кечми ғалаба қозонишга ваъда бераман", - деди Ямал Tuttosport нашрига берган интервьюсида.
Ямал шу йилнинг июль ойида ўн олти ёшга тўлди. Ўшандан бери Ламин "Барселона"нинг асосий ўйинчисига айланди ва бир неча бор Испания терма жамоасига чақирилди. Вундеркинд жорий мавсум лигада 15 та ўйинда майдонга тушиб, 1 та гол ва ассистентлик қилган.