"Тоттенхэм" ярим ҳимоячиси Жеймс Мэддисон Харри Кейн ҳақида фикр билдирди. Хабарингиз бор, ёзги трансфер ойнасида форвард Лондон клубини “Бавария”га алмаштирди.
"Менинг фикримча, Кейн дунёнинг энг яхши марказий ҳужумчиси. У буни ҳозир исботламоқда - унинг рақамлари ақл бовар қилмайди.
Унинг кетиши эҳтимоли борлигини билардим, гап кўп эди. У билан Англия терма жамоаси лагерида ҳам суҳбатлашдик. Қолса ҳам бахтли бўларди деган туйғу бор эди. Албатта, мен унинг "Тоттенхэм"да ўйнашда давом этишини истардим. Аммо агар у бир кун келиб Премьер-лигада гол уриш рекордини янгилаш учун қайтиб келса, ҳайрон бўлмайман" - деди Мэддисон Amazon Prime билан суҳбатда.