"Манчестер Юнайтед"нинг қишки трансфер ойнасидаги асосий мақсадларидан бири - ҳимоячи сотиб олиш.
Mirror нашри хабарига кўра, "қизил иблислар" Жан-Клер Тодибо учун таклиф тайёрламоқда. АПЛ клуби "Ницца"нинг 23 ёшли футболчисини ўз сафига қўшиб олмоқчи.
2023/2024 йилги мавсумда Тодибо "Ницца" таркибида 12 та расмий ўйин ўтказди. Уларда ҳимоячи битта голли узатма берди.
Transfermarkt портали Жан-Клер Тодибони 30 миллион еврога баҳоламоқда.
Эслатиб ўтамиз, “Манчестер Юнайтед” ҳозирда Англия Премьер-лигаси турнир жадвалида атиги еттинчи ўринни эгаллаб турибди.
