"Интер" бош директори Жузеппе Маротта Маттео Дармианни ўзи имзолаган энг паст баҳоланган футболчилардан бири деб ҳисоблайди.

Ҳимоячи “нерадзуррилар” сафига 2021 йилда келиб қўшилганди – у “Парма”дан атиги 3,3 миллион евро эвазига ўтган эди. Аввалроқ италиялик футболчи мавсумни “Интер” сафида ижара асосида ўтказган эди.

“Паст баҳоланган футболчилар? Улар кўп, лекин мен ҳозирги жамоамиз вакилларидан бири - Дармиан билан мисол келтираман. Биз бу йигитни жуда арзонга олдик, ҳозир у анча қимматга тушади. Мен унинг қобилиятларини ва футболга жиддий муносабатини жуда қадрлайман. Аста-секин у ўзининг муҳимлигини исботлади, гарчи ОАВ унга эътибор бермаган бўлса-да, - деди Маротта.