Миланнинг “Интер” клуби марказий ҳимоячиси Алессандро Бастони Италия терма жамоасининг Европа чемпионатидаги истиқболлари ҳақидаги саволга жавоб берди.
Лучано Спалетти шогирдлари Испания, Хорватия ва Албания терма жамоалари билан бир гуруҳдан жой олди. "Скуадра Адзурра" турнирга амалдаги чемпион сифатида ташриф буюради.
“Евро-2024? Бизда ёш жамоа бор, лекин кўпчилигимиз уч йил олдин ҳам жамоада эдик. Ўшанда Жоржио Кьеллини ва Леонардо Бонуччидан кўп нарсани ўрганганман, ҳозир эса ўзим терма жамоа либосида муваффақият қозонишни истардим”, — деди терма жамоада 21 та ўйинда майдонга тушган Бастони.
