«Барселона» клубининг яна бир футболчиси Американинг «Интер Майами» клубига ўтиши мумкин. Флорида жамоасининг ҳозирги ўйинчилари орасида ҳимоячи Жорди Алба, ярим ҳимоячи Серхио Бускетс ва Лионель Месси бор.
Todofichajes журналистларининг хабар беришича, «Интер Майами» каталониялик ярим ҳимоячи Серхи Робертога қизиқмоқда.
31 ёшли футболчи МЛС клуби сафига қўшилиши мумкин, чунки унинг «Барселона» билан шартномаси 2024 йилнинг ёзида якунига етади. Томонлар ҳамкорликни кенгайтиришни режалаштирмаяпти.