"Милан" вингери Рафаэль Леау ноябрь ойида юзага келган терма жамоалар ўртасидаги танаффус олдидан олган жароҳатидан тузалиб кетди.

Sky Sport Italia нашри хабарига кўра, португалиялик футболчининг "Аталанта" билан ўйинда (9 декабрь) иштирок этишига шубҳа бор, бироқ у Чемпионлар лигасининг "Ньюкасл"га қарши ҳал қилувчи баҳсида "россонерилар"га албатта ёрдам бера олади.

Эслатиб ўтамиз, Чемпионлар лигасининг плей-офф босқичига чиқиш учун "Милан"га "Ньюкасл" билан меҳмондаги ғалаба, шунингдек, "Боруссия"нинг "ПСЖ" устидан қозонган ғалабасигина кифоя қилади. Ҳар икки ўйин ҳам келаси чоршанба куни соат 23:59да бўлиб ўтади.