"Арсенал" вингери Букайо Сака жамоа сафидаги 200 ўйинлик маррага етди.
Бугунги АПЛ доирасидаги "Лутон Таун"га қарши ўйин англиялик учун 200-ўйин бўлди. 22 ёшли футболчи асосий таркибда майдонга тушди ва 20-дақиқадаёқ у Габриэль Мартинеллига голли узатмани амалга оширди.
"Opta" хабарига кўра, Сака жамоа сафида 200 та ўйин ўтказган "Арсенал"нинг тўртинчи энг ёш футболчисидир. "Канонирлар"нинг ҳозирги юлдузидан юқорироқда Сеск Фабрегас (21 ёшу 118 кун), Дэвид О'Лири (21 ёшу 195 кун) ва Клифф Бастин (22 ёшу 16 кун) бор.