Мадриднинг “Реал” клуби яна Килиан Мбаппени сотиб олишга уриниб кўради.
1 янврдан бошлаб, агар франциялик футболчи шу вақтгача "ПСЖ" билан шартномасини узайтирмаса, Мадрид клуби саъй-ҳаракатларини кучайтириб, трансфер борасида музокаралар олиб боришга ҳаракат қилади.
"Реал Мадрид" Мбаппенинг онаси ва агенти Фаиза Ламари билан боғланади ва футболчига қарор қабул қилиш учун 15 кун муҳлат беради. Мадридликлар энди узоқ музокаралар ўтказмоқчи эмас. Мбаппе таклифни қабул қиладими ёки йўқми, 15 январгача жавоб бериши керак.
"Реал" ҳам энди оғзаки келишувларга таянмайди ва келишувни ҳужжатлаштириш ниятида. Гап дастлабки шартнома ва ёзда текин трансфер ҳақида кетмоқда.
Агар Мбаппе 15 январгача таклифга жавоб бермаса, "Реал" "Манчестер Сити" ҳужумчиси Эрлинг Холандга эътибор қаратади ва уни сотиб олишга ҳаракат қилади. Қайд этилишича, норвегиялик футболчи Дортмунднинг "Боруссия" клубида бирга ўйнаган ярим ҳимоячи Жуд Беллингем билан дўст. Бундан ташқари, "Манчестер Сити" ҳужумчисининг Испаниянинг Марбелье шаҳрида уйи бор.
